Zen Ahfang miss mir do emol en neie Buchstohm eififhrn, nämlich des Grendner »å« für das Wort »auch«, »ah« geht eigentlich net. En Willi kennt Ihr ja nuch. Des war der Brieftrecher, der alleweil die Briefe vo meiner ukrainischen Brieffreundin Oksana vill ze spät gebracht hat. On do ho ich eich å drzehlt, dass der gern eweng gschnåpslt hot. En ån Dooch wars dann ze vill. Do issor rotzbesoffn nei, Ståbach gfalln on ersoffn. On dann waror halt tot. Nein Himmel komme is or trotzdem. Wahrscheinlich war dor Deifl grod auf Körbe, war besoffn on hots vorpasst. Jedenfalls ham se or uhm net gleich gwisst, wos se middn Wili ahfange solln. Dor Petrus hot abor de Idee ghat, den Willi middoror Botschaft nein Dlengedohlor Rathaus ze schiggn. Des war mehr als ihborfällich.
Dor Willi hot sein Brief gricht on is losgflochn. Ontn ahkomme hots e su gut noch Bier grochn, on do issor gleich nei den nächste Kneipe gange, hot sich e Bier on en Weißn bestellt, e Wörschtl dezu on nuch e Bier on nuch en Schnaps, bis or nemmor aufsteh hot kenne. Jednfalls sitzt or heit nuch do on des Dlengedohlor Rathaus wert emmor nuch auch die Botschaft ausn Himml. On wenn se irgendwann doch nuch komme sollt, werds se halt kånor vorsteh, mir muss halt å zuhärn kenne. Wos forre Elend. OvG
Dodezu isses leider nemmor komme. Vielleicht wert se ja nuch drauf. Wer kah des scho wissn.
Kuckuck, Zipfel, die Poscht ist daaaa! Wenn do net de KI am Werk war!